今日係世界紅斑狼瘡日 (World Lupus Day) 。紅斑狼瘡被形容為「千面疾病 (The Disease of 1000 Faces)」，由於唔同患者發病情況都唔同，所以好容易會誤診為其他疾病。
美國電視劇《House, M.D》，其中一集(You Don’t Want to Know) 就係關於紅斑狼瘡症，病人角色設定剛巧係一個魔術師。劇情講到Dr. House 起初唔相信病人患上紅斑狼瘡，到最後承認的確係哩個病。
其實將個病用上魔術作為隱喻，似乎亦好恰當。魔術有個術語叫Misdirection，就係引導觀眾去睇一啲魔術師想觀眾睇到嘅嘢，同時去忽略咗魔術師唔想觀眾睇到嘅嘢。就好似紅斑狼瘡哩個病，發病嘅症狀會錯誤引導咗醫生，以為係其他疾病，忽略咗有機會係紅斑狼瘡。紅斑狼瘡無法根治，嚴重甚至會致命。但及早求醫同注意生活習慣，可以控制病情。
Photo by Scott Webb on Unsplash
FRANOMENON 