超級馬利奧

孖寶兄弟，我細細個就打過佢哋個機。香港人譯名真有一手，人地叫超級馬利奧兄弟，嚟嚟去去淨係識Mario，忘記咗有Lugi，所以香港版一改名就講明係孖寶，係有兩個人。

除咗遊戲機，80年代末美國仲出咗「The Super Mario Bros. Super Show!」卡通片，片頭片尾仲有真人版短劇。其中一集講Luigi練習變魔術，仲邀請到魔術師Harry Blackstone Jr. 客串。叫得Junior當然有Senior。之前介紹過Maskelyne三代魔術師，Blackstone都係父子兩代魔術師。相傳Jr. 六個月大已經亮相佢爸爸個魔術表演，原因竟然係因為保姆要早退，佢阿媽平時都有份要表演，唯有局住要帶埋佢上台，由原本扮自由神像，揸火把變咗揸奶樽。

睇返八十年代嘅兒童節目，特技又幾似舊時嘅教育電視喎！