Mr. Bean 你實有睇過，由於角色太深入民心，反而好多人唔知個演員其實叫Rowan Atkinson。Rowan 甚至試過被人話佢似Mr. Bean，但就唔信佢係Mr. Bean 本人。
Mr. Bean 角色鮮明，唔講好多嘢，但睇佢神態都夠好睇。Rowan本身有語言障礙，細細個因為說話同個樣，在學校被人欺凌。但估唔到憑住突顯佢嘅缺點，反而成為咗好成功嘅特色。曾經聽過有魔術師講過：「If you can’t hide it, highlight it」。突顯你嘅缺點，利用佢成為你嘅優點。接受自己，先會令人接受你。
Mr. Bean 其實唔係有好多集，每集由幾個小單元結合而成。其中一個單元講佢同女朋友去睇魔術。當中搞到魔術師錯漏百出。魔術師要成功好難，要失敗就好易。魔術師失手往往係幽默搞笑嘅好材料。
Photo by rawpixel.com from Pexels
FRANOMENON 