Andy Stein 係跨國銀行工作，經常全世界飛來飛去。佢去到每個國家，都要求客戶為佢安排去孤兒院探訪，變魔術俾小朋友睇，所以啲小朋友會叫佢Uncle Magician。
啲小朋友成年之後要離開孤兒院，佢為咗讓佢地有個好嘅出路不至於流落街頭，淪為妓女，佢創立慈善機構 Orphaned Starfish Foundation，提供資源教班孤兒IT，提升工作技能。
有個故事係咁樣講嘅：有個人沿住沙灘行，一路行一路執起被水沖上沙灘嘅海星，掉返落水。其他路人就話喇：「沙灘有咁多粒海星，你救得幾多粒？改變得到啲乜嘢？」年青人答：「對於嗰粒海星嚟講，佢嘅命運就改變咗」。
就如Andy Stein 喺CNN嘅訪問講：「魔術令小朋友感覺佢哋任何事都做得到」。魔術唔能夠改變世界，但魔術師都係因為睇過其他魔術師變魔術，而去學魔術成為一個魔術師。唔好睇少自己，可能為一個觀眾變一個魔術，足以影響咗一個人嘅人生。
Photo by KIRAN MANOJ on Unsplash
FRANOMENON 