每人對魔術師嘅印象都唔同。而魔術嘅範籌亦都好闊，魔術師對自己嘅定位都唔同。魔術師Chris Ramsay 透過諷刺短片，介紹六類現時比較大類嘅魔術師。
商演魔術師：從事商業演出，幫公司宣傳，省靚招牌。
舞台魔術師：舞台大型幻術嘅表演，咩都大，道具大，動作大，音量大，效果大。
心靈魔術師：有人話心靈魔術係最令人幾可亂真嘅魔術，因係無乜道具無乜手法，仲要讀到你個心。實在解釋唔到。
喜劇魔術師：將魔術加入大量笑位同喜劇元素，產滿大量娛樂性。
街頭魔術師：快，狠，準，視覺效果強嘅魔術師。
兒童魔術師：表面上招呼班小朋友，實情要冧掂埋埋背後班金主嘅魔術師。
當然以上分類係為咗配合條片搞笑，未必係最好嘅分類方法，亦唔止哩六類。但至少可以俾人知道，魔術師都唔係萬能，各有自己專長。就好似廚師都拿手唔同菜色，音樂家都專玩唔同樂器。
FRANOMENON 