好多時將魔術同雜技歸埋同一類，兩者同樣需要花大量時間反覆練，同埋表演時唔容許絲毫失誤。雜技表演者練嘅係真功夫，硬橋硬馬，越高難度越要觀眾睇得到。相反魔術師練嘅係手法，越練得純熟，越高難度越要令觀眾唔察覺。或者因為咁，唔少魔術師都會練些少雜技，起碼有一兩下手藝吸引下觀眾眼球注意。
以吞劍為例，成日聽見人取笑話把劍有機關，哩個世界就有一個國際吞劍師協會(SSAI)，推廣真正嘅吞劍。裡面有詳細介紹吞劍原理、歷史、術語、甚至X光片、FAQ等等。吞劍隨咗係表演之外，喺醫學上都好有貢獻。早喺百幾年前，已經有吞劍師參與研究內窺鏡同埋研究人類消化，近年亦有吞劍師參與吞嚥障礙嘅研究。
其實雜技一的都唔「雜」，叫做雜技對佢實在唔公平。雜技表演者，都係好「專」専業嘅表演者。講返魔術師，其實亦都有唔少透過魔術進行嘅科學研究，去了解人類心理、認知方便嘅現象，亦都有專門透過科學去研究魔術嘅團體，將來再講。
Photo by Ricardo Cruz on Unsplash
FRANOMENON 