有口難言

話說差利·卓別靈同愛因斯坦係好朋友。有日愛因斯坦同差利講：「我好仰慕你，你可以唔洗講嘢，但全世界都明白你。」

差利答：「你仲勁啦，無人明你講乜嘢，但全世界都咁仰慕你。」

魔術師表演時講嘅對白，叫做Patter。觀眾聽見魔術師表演時講嘅嘢，其實都唔係隨口嗡，而係諗過度過嘅台詞。即使看似係即興表演，每個動作、角度、走位、擺放物品嘅位置，全部都應該好似演戲一樣事前舖排好哂。

今日係國際母語日。原來世界上每兩個星期就有一種語言會消失以至整個文化同傳承消失。所以真係要扞衛好粵語廣東話。

有一種世界語言，叫做身體語言。有一類唔用對白嘅魔術表演，叫做Silent Act。由於完全靠身體語言表達。玩過「有口難言」都知講唔到嘢比講到嘢難幾多。魔術師Paul Romhany出名嘅一套silent act，就係模仿差利·卓別靈去變魔術，實行「講多無謂，行動最實制」。