學魔術唔會教你嘅事

變魔術，最棹忌失手。偏偏當學魔術時，往往只教你點樣做好個魔術，唔會教你失手時點樣應對補救。因此變魔術時總有一個「唔錯得」嘅壓力，而越係同自己講唔錯得，就越緊張越易出錯。

當然好多魔術都真係「唔錯得」，但每一個變魔術嘅人，都總有機會出錯。哪怕係你幾出名，哪怕你上緊電視，要錯就錯左，喊都無謂，唯有執生修正。

有人話就算有失誤，觀眾都唔知係刻意扮失誤搞氣氛，定係真失誤。如果能夠冷靜應對，將失誤修正，觀眾唔知情嘅情況下，最後效果反而更強。又有人話其實大部份嘅觀眾都係友善嘅，想睇你成功。最難搞嘅觀眾，反而係你啲親朋戚友。因為佢地本身識得你，知你本身只係個平常人，所以反而會搞搞震。

試下跳出舒適圈，將魔術帶去俾陌生人。放開自己，失手時從容面對。揾一啲魔術嘅mentor，唔係tutor。Mentor除咗教你嘢，仲會同你分享成功失敗嘅經驗，哩啲分享都係一般魔術教材唔會教你嘅寶貴知識。

Photo by Andrej Lišakov on Unsplash