飲水思源

魔術嘅世界入面有好多術語，細緻到點樣拎一副牌都有唔同方法，有唔同稱呼。點樣數牌，點樣派牌，用邊隻手指去做某一個動作，全部都有自己一個名稱。只要一講個名，其他魔術師就有共識講緊乜野。

有個咁嚴謹嘅溝通系統，歸功於魔術界好著重credit，屬於某個人嘅成果，都應該尊重返原創者。初接觸魔術，往往只係學一個動作點做，但如果想學深入啲，就唔應該只係學食魚，而係學點樣捉魚。學好每個動作嘅名稱，絕對有利長遠學習捉魚。更進一步認識埋背後嘅出處同歷史，更進一步學習去欣賞魔術。

Conjuring Credits 係一個專搜集魔術出處嘅綱站，如果本身有魔術基礎認識嘅人，去到會見到好多熟口熟面嘅魔術字眼，除咗一份親切感之餘，更加會發現魔術每一個流程同動作，都係前人種下落嚟嘅成果。更值得我吔尊重同欣賞。