魔術破解

如果你稍有留意一下魔術，可能你都有聽過魔術師劉謙。好多人對劉謙嘅認識，源自佢嘅央視春晚表現。原來佢第對上一次嘅央視春晚演出，已經係六年前。

終於，到咗今年，劉謙又上央視春晚喇！

每當有咁大型嘅魔術表演，總離唔開跟住哩兩隻字 —— 破解。以前每逢見到破解，總係覺得好不爽。當然今年都唔例外，話咁快就被網民瘋傳破解。其實所謂破解，講緊只係二十分鐘嘅表演入面嘅其中三秒，但已經被網民無限放大，講到破解哂成套表演咁。

後來睇返劉謙喺表演前嘅一段訪問，其中提到「歡迎破解，但不接受『輕視』」，而佢亦無去怪責破解嘅人。我頓時明白咩叫做「風度」。魔術就係一門咁樣嘅表演藝術。你無得出錯，你會招人妒忌，但記住莫忘初心，善用自己嘅「失望」，轉化成帶俾觀眾嘅希望。

關於詳盡嘅訪問內容，可以去 哩度。

Photo by Josh Sorenson from Pexels