動物睇魔術

變魔術俾人睇就睇得多，變魔術俾動物睇又會點呢？

早排網上好興一啲短片，係啲狗狗主人用塊大布遮住自己，然後放手同時閃開，狗狗就以為主人消失咗，然後啲人睇下狗狗啲反應。

狗狗熱情就係人都知，貓貓咁cool 又會點呢？魔術師Rick Lax 就試過變魔術俾貓貓睇，但就算係魔術師都無面俾，貓貓反應冷淡。

仲記唔記得電視動物明星阿笨同阿占？阿笨雖然叫阿笨，但一啲都唔笨，仲上過電視睇魔術。唔單止魔術好睇，連阿笨嘅反應都好好睇，仲搶埋魔術師マギー審司 嘅風頭添。