五十一隻啤牌

一個人得兩隻腳，但有好多對鞋。魔術師得兩隻手，但有好多副啤牌。好多時魔術表演，魔術師會請觀眾喺隻牌上面簽名，甚至最後會送埋隻牌俾觀眾留念。

好多觀眾會問，咁你副牌咪少左隻囉？咁你副牌咪唔用得囉？作為一個魔術師，同時擁有好多副啤牌，係好合理嘅。有人話魔術有十九種效果，而啤啤可以做到哂十九種。魔術師用啤牌，唔需要成副牌。用部分又得，用幾隻又得，用一隻又得。有時仲會同時有幾副牌，應對不同情況使用。

所以當魔術師送隻牌俾你，你可以欣然接受，好好收藏。或者你概念中，啤牌係應該52隻一齊，你拎住一隻唔太自在。但作為魔術師，一早就慣左一副啤牌得51隻，甚至更少喇。