鏡頭魔術

以前練魔術對住塊鏡，而家練魔術對住個鏡頭。

魔術師之間會講個笑話，當你對鏡練習，每逢做到關鍵會俾人睇穿嗰一刻，你就會眨咗眼，自己睇唔到，然後就會自己呃咗自己。而家拍片咁方便，練習時可以錄低睇返，對於練習好大幫助。

隨住拍片咁流行，亦都衍生左好多人自拍魔術短片。自拍魔術片有好多好處，可以完美控制觀眾嘅角度，可以無限NG拍到完美一take，可以鏡頭以外做好多觀眾睇唔到嘅嘢。不過有一樣嘢，亦都係魔術最緊要嘅嘢，拍片係做唔到，就係同觀眾嘅互動交流。

網絡紅人Zach King 專拍攝神剪接嘅短片，其中一段講傳統魔術同現代魔術對決。雖然都係神剪接效果，但內容講得幾好，值得一看。

Photo by Steve Gale on Unsplash