魔術係一種表演藝術。但魔術之所以有魔術，係一定要有觀眾。演奏家可以演一首好好聽嘅歌，一路奏一路自己欣賞。魔術師做嘅嘢，同觀眾接收嘅完全唔同。所以可以話無觀眾就無魔術。
魔術師好了解人嘅記憶方法。哩樣唔係咩魔術秘密，而係心理學。人嘅記憶通常記得開頭同結尾多啲，對於中間發生嘅事比較模糊。所以一套好嘅魔術流程會有一個好清晰嘅序幕，中間會搞一輪嘢，然後推向高潮作結。
唔好以為中間搞嗰輪嘢為搞而搞，當中好有技巧地令觀眾記得魔術師想佢記住嘅嘢，忽略唔想佢記得嘅嘢。觀眾個腦選擇性將前段、中段、後段嘅記憶拼湊起來，就成為咗一套好嘅魔術流程。
Photo by Fredy Jacob on Unsplash
FRANOMENON 