電視台播魔術節目，女主持每次反應都係「點解嘅？」成為網民焦點。撇除作為主持應該點樣反應，作為一般人，原來好多人都唔識得點樣表達觀賞魔術嘅反應。
心理學有個理論叫Social Learning Theory。簡單嚟講即係有樣學樣。日常生活嘅情景，你會學下身邊嘅人點樣做，然後跟住做。不過現實生活中，有幾多人有幾多機會親身睇魔術表演？於是到真係睇魔術嘅時候，就唔識點樣俾反應先叫知叫合適，身邊又無得參考，於是成件事就變得好奇怪。
作為魔術師，唔止淨係變個魔術出嚟，魔術嘅設計仲包括停頓節奏同拍掌位，必要時仲要(暗暗地)教觀眾同鼓勵觀眾點樣歡呼回應。背後其實大有學問呢！
FRANOMENON 