每到新一年，總會立定決心要做好多嘢。有研究指出，有80%人係會放棄。原因有好多，可能set得太多、目標太抽象唔夠具體、自己太高估自己等等。
諗落同設計魔術流程好相似。一諗個流程，樣樣效果都覺得好正，想放哂落去，結果就好散亂；常常都會忘記咗係自己覺得個魔術好睇，定係要記得點樣令觀眾覺得個魔術好睇；當見到其他大師級變得好睇，就想有樣學樣照住做，忽略咗自己技巧是否到家，風格是否配合，環境是否合適。
一流魔術大師有一套完美流程表演無數次，業餘魔術愛好者有好多套甩甩漏漏嘅流程，套套變一次半次。或者設計魔術流程應該好似新年新決心一樣，腳踏實地一啲。魔術無分勁唔勁，而係分打唔打動到觀眾。魔術師唔係要耍把戲，而係要造奇蹟。
FRANOMENON 