大衛有一個夢想

今日係民權領袖馬丁路德金生日。佢生前嘅演講《我有一個夢想》舉世聞名。雖然佢已經逝世超過50年，但原來佢七年前同大衛高柏飛都有段小故事。

話說2012年，大衛高柏飛買起咗一段馬丁路德金生前嘅訪問錄音，再轉贈俾 National Civil Rights Museum。間博物館正正由馬丁路德金被行刺嘅地點改建而成。 由於金生前無乜一對一嘅訪問錄音，所以哩段錄音好珍貴。

大衛高柏飛訪問時提到：「馬丁路德金啓發人要有夢想，魔術師嘅藝術亦係去令人有夢想」。作為魔術師，應該時時謹記，魔術唔單係耍把戲，而係啓發觀賞嘅人，生活仍有好多不可能變成可能。