成日講睇魔術睇魔術，而家睇魔術嘅渠道不外乎現場、電視、或者上網。有無諗過魔術都可以聽？
上世紀四十年代，美國著名心靈師The Amazing Dunninger係電台同電視魔術表演嘅先軀。佢喺電台出名嘅表演，就係表演讀心術，即場講出關於現場參加者嘅私人事，或者讀到佢地心入面諗緊嘅嘢。由於係讀心術，無需要旁白去形容發生緊咩事，收音機嘅聽眾都好似置身現場一樣。節目亦都因為咁而大受歡迎。有興趣嘅朋友可以去以下網站，一嘗收聽當年電台節目《Dunninger The Mentalist 》嘅感覺。
https://archive.org/details/DunningerTheMentalist44022308RoyAcuff
除咗讀心術，Dunninger嘅一句銘言都幾值得深思。佢話：「對住相信嘅人，唔需要解釋咁多。對住唔信嘅人，解釋幾多都唔夠。」好多人變魔術，覺得要變俾全世界嘅人睇，要所有人都感受到魔術嘅神奇。其實諗深一層，一樣食物都有人鍾意有人唔鍾意，無乜必要迫啲唔鍾意食嘢嘅人要佢食。反而為喜歡睇魔術嘅人，盡力去做好自己，咁樣就好足夠喇。
Photo by Aitor Romero on Unsplash
FRANOMENON 