如果…就好喇

外國人好興同魔術師講個笑話，問：「你可以變走我老婆嗎？」

中國人好興同魔術師講個笑話，問：「你可以變啲錢出嚟嗎？」

無論你想變走啲唔想要嘅嘢，或者變多啲你想要嘅嘢，其實都係回應緊心裡面嘅一啲願望：「如果可以…就好喇」。

魔術唔止將啲嘢變來變走，有魔術師將魔術效果分類為十九種咁多。我認為每一種效果都能夠回應到人嘅願望，例如：「佢可以睇穿我諗緊邊隻牌，如果我都可以睇穿個客諗緊咩就好喇！」或者「佢可以迅間由台上轉移到觀眾席，如果我都可以迅間轉移由屋企張床返到公司就好喇！」。魔術就係滿足緊人嘅願望，又可以連繫到日常生活。可能正因為咁，所以更引人入勝啦。

Photo by Milan Popovic on Unsplash