今日係世界催眠日。「催眠」哩個字眼實在被太多人神化、妖化、誤解，所以實在需要有一日用來正確地推廣催眠。
催眠有別於睡眠。喺催眠狀態中人係有意識嘅。其實人平時好不自覺就會入咗去催眠狀態，例如你打機打到唔知時間、睇戲睇到入哂神、睇波睇到企哂起身、碌住個電話唔覺唔覺就行左返屋企、沖涼沖到個心神飄走左咁，全部都係催眠嘅狀態。
即使唔識催眠，魔術師其實都會用到唔少催眠技巧。例如魔術師引導觀眾去專注某個重點，就係一種催眠提示，令觀眾跳過理性分理，由情感去感受魔術。魔術師令觀眾專注投入去享受一個表演，就係帶領觀眾就係進入咗催眠狀態。
催眠係確實存在嘅，但偏偏人又唔信。魔術係唔存在嘅，偏偏又要展現到要令人相信。兩者關係都十分微妙呢！
FRANOMENON 