1月2日係世界內向性格日。可能好多人都聽過將性格分類為「外向型」或「內向型」，咁作為表演者，係咪外向嘅人會比內向嘅人優勝呢？原來表演者都可以分出一類，叫做「內向型表演者」。
內向型性格唔等如「摺」、「宅」或者「怕醜」，只係一個人要多少少時間熱身，social 完要多少少時間充電。正因為咁，內向型表演者往往比較準備得細緻。你難啲叫得到內向型表演者即時臨場表演，但有充分預備下，內向型嘅表演者一定為你諗過度過，唔會令你失望。
提起表演者，不禁想起農夫(FAMA) 嘅《表演者》同陳奕迅嘅《浮誇》。歌詞提到「一過虎度門我地就變另一個人，一踏台板有責任要你覺得過瘾」、「有人問我我就會講，但是無人來」和「我的心情猶像樽蓋等被揭開，咀巴卻在養青苔」，我認為都好反映到內向型表演者嘅心聲。作為一個內向型表演者，窮更大嘅氣力都係為表演俾大家睇，大家更應該要珍惜呢！
FRANOMENON 